SHQO-da 22 476 balanyń úıinde kompúterlik tehnıka tapshy. Onyń ishinde qashyqtyqtan bilim alyp jatqan 16 904 oqýshy mektep kompúterlerimen qamtamasyz etildi. Qalǵan 5 712 bala shtattyq rejımde bilim alýda. Bul týraly SHQO aqparattyq ortalyǵynda ótken tikeleı efır barysynda bilim basqarmasynyń basshysy Saırangúl Jýmadılova málim etti.
Tikeleı efır barysynda basqarma basshysy aýdandyq jáne qalalyq bilim bólimderiniń qarjylandyrýy arqyly 2 572 birlik kompúterlik tehnıka satyp alynǵanyn atap ótti. Sondaı-aq, QR Úkimetiniń qorynan bólingen qarajat esebinen 26 509 kompúter alyndy. Oǵan 4,1 mlrd. teńge bólindi.
-Memlekettik satyp alýdy ádil uıymdastyrý jáne kompúterlik tehnıkalardy bólý maqsatynda «Adaldyq alańy» jobalyq keńsesi tóraǵasynyń jetekshiligimen, «Nur Otan» partıasynyń ókilderi, oblystyq maslıhattyń hatshysy, qoǵam ókilderi, jumyspen qamtý jáne áleýmettik qorǵaý basqarmalarynyń, balalardyń quqyqtaryn qorǵaý jónindegi jergilikti qoǵamdyq uıymdardyń, sondaı-aq qamqorshylyq keńesiniń, ata-analar qoǵamdastyǵynyń, jastar uıymdarynyń jetekshilerinen jumys toby qurylyp, jetkizýshi anyqtaldy. Qazirgi tańda kompúterlik tehnıkalardy jetkizý jumystary bastalyp ketti. Osy baǵyttaǵy jumys 15 qyrkúıekke deıin aıaqtalatyn bolady, - dedi Saırangúl Jýmadılova.
Sonymen qatar, jumys toby kompúterlik tehnıkany bólý monıtorıńin júzege asyrady. Birinshi kezekte halyqtyń áleýmettik álsiz toptaryn: az qamtylǵan, kóp balaly, erekshe bilim berilýine qajettilikteri bar balalardy, sondaı-aq oqý ozattaryn qamtamasyz etiledi.
Pikir qaldyrý